30 mayo 2008

Nena, neniña, pequerrechiña.....

Quero deixar, hoxe venres, un regaliño no blog. É unha dedicatoria para unha meniña que acaba de nacer e ademáis de ser xa moi coñecida no blogomillo, xa ten conta en chuza e todo. (Cousas do seu pai). Trátase de Moru, a filla de Ghanito, o do blog "Apocalipse do porco".


Nena, neniña,
pequerrechiña,
durme, que xa durmen
o galo e a galiña.
rmete axiña...
Se te non durmes, vén a raposa
que garda o sono dos nenos na fosa;
se te non durmes, vén a martaraña,
que todo sono dos nenos apaña;
se te non durmes, vén a donicela,
que todo o sono dos nenos arela...
Anda, neniña
pequerrechiña,
durme, que xa durme
os años na curtiña
Dúrmete axiña...
Se te non durmes, vén o morcego
manto de crego
vén a curuxa
cara de bruxa,
vén o vencello
pernas de vello,
e os tres á unha, nun Santiamén
voa..., que voa..., que te voarías,
lévanche o sono moi lonxe de aquén.
Anda, neniña, que eu rezo, meu ben,
pra escorrentalos, tres Avemarías
Amén.

X.M. Álvarez Blázquez, Roseira do teu mencer

3 comentarios:

raindrop dijo...

noraboa aos pais
sempre é unha boa notícia :D
(é un regaliño envolto en pel)

bicos

Pilar dijo...

Que polo de agora solo chora, mexa e come....pero que cheira tan ben!!!!

Ghanito dijo...

Moitas grazas :-)

E non podes imaxinar o ben que cheira!